Gato ti son

Sak i fo :

( po zanviron 10 moun )

- 250g Ti son

200g do sik

3 zèf

1 sasé lévir

1 yaout natir

125g do bèr

In ti pé do sèl

In ti pé la vaniy

In ti pé likèr

 

Manir fé :

Pran in gran bol é mèt lo sik

Mélanz avèk lo zèf é razout san pèrd lo tan,

touzour an tournan, lo yaout natir, lo Ti son, la lévir,

lo bèr fondi, la vaniy é la likèr

Zot i pé ranplas la vaniy par in larome zot swa

Inn fwa lo mélanz lé fé, pa tro dir pa tro tann,

mèt ali dan in moul béré

Byinsir avan sa i fo pa oubli sof lo four po mèt lo moul dodan

Fé kuir inn «demi-heure» a 175° (sinon si lo bouton zot kizinièr mèt si le n°3)

Po konèt si lé bien kwi, pran in kouto é pik dodan –

si i kol pa lé kwi.

Po zot konèt :

Ti-son, Lamsime : séla poud maï ; é avèk sa i fé gato

Osi zot i pé kuir ali dan in marmit kouvèr dosi la brèz.

 

Po konèt :

* Tout roprodiksyon, kopiaz, kiswa tèks, foto, fo domann lotorizasyon lo rèsponsab lo Sit.

* Reproduction strictement interdite sauf autorisation du responsable du Site.

 

Radyo Ranpar


 

×