Billets de radyoranpar

Mèrkredi 23 out 2017 zourné intèrnasyonal an souvnans la trèt négriyèr é son labolisyon

Logo 2017 radyo ranpar png

Lé dan la nwit lo 22 zisko 23 out 1791 ke la komans sikoté Sin Doming (zordi Ayti é Répiblik Dominikène) in soulèvman domoun po domann labolisyon la trèt nègriyèr.

Zourné souvnans là, lé maziné toulézan lo 23 out po tout bann pèp i oubli pa mové pasaz listwar lèsklavaz zot la subi anou osi isi Larényon fo nou mazine ali osi.

Bann Lien po zot louké… Dosi zourné-là…é dot zinfo...

http://www.unesco.org/new/fr/unesco/events/prizes-and-celebrations/celebrations/international-days/slave-trade-and-its-abolition-2017/

http://unesdoc.unesco.org/images/0022/002284/228475f.pdf

http://www.unesco.org/new/fr/social-and-human-sciences/themes/slave-route/right-box/related-information/23-august-international-day-for-the-remembrance-of-the-slave-trade-and-its-abolition/

http://www.unesco.org/new/fr/unesco/events/public-events/?tx_browser_pi1%5BshowUid%5D=41828&cHash=c853ec2b1f

Source : UNESCO – L’ONU

Rédaksyon Radyo Ranpar 

PAMINE

Radyo Ranpar i fé konèt azot lo prozé kiltirèl ‘’PAMINE’’ i kont mèt anplas po nout patrimoine i kontini viv i atann zot koudmin po tyinbo ansanm louk lo lien http://www.pocpoc.re/fr/projects/pamine po konèt kosa i kont fé.

Pamine

 

Rédaksyon Radyo Ranpar

 

Mèrkredi 8 mars 2017 Zourné Intèrnasyonal Bann Fanm

Zourné Intèrnasyonal bann fanm lé fété toulézan lo 8 mars sanm bann bonpé groupaz fanm dan lo mond antyé osi dan nout péi. Lé in zour inportan po zot kontinyé sobat po zot drwa dann sosyété malizé nout viv koméla é fé rèspèkt azot séposa zourné-là fo pa lès ali dann fénwar pars doplizanplis zot lé viktim bann violans é bordé dann bonpé péi ousa zot na pwin lo drwa di zot manirwar. Lo 8 mars é toulézour lé in zourné po zot kontinyé lité po légalité, lazistis, lapé é lo dévlopman é rèvèy in konsyans fanm pli for ankor.

Inndé Lien po zot louké po konèt in pé plis dosi zourné-là i sort dosi o Sit L’UNESCO é L'ONU...

http://www.un.org/fr/events/womensday/history.shtml

http://www.un.org/fr/events/womensday/index.shtml

http://www.unesco.org/new/fr/unesco/events/prizes-and-celebrations/celebrations/international-days/international-womens-day-2017/

Lantant Ranpar – Radyo Ranpar i swèt tout bann fanm dan nout péi é dan lo Mond dan in gayar zourné po zot minm.

Rédaksyon Radyo Ranpar  

Bann bouzé Ranpar

Logo 2017 radyo ranpar png


Nouvo Zinfo dosi paz Facebook Radyo Ranpar louk nout paz po swiv lo bann nouvèl... https://www.facebook.com/radyoranpar/

Po zot louké vidéo Tropikal Band in lanbyans lakour sikoté Sinzozèf...

Radyo Ranpar


 

Mardi 21 févriyé 2017 zourné intèrnasyonal bann lang matèrnèl

Zourné intèrnasyonal bann lang matèrnèl té désidé par in konférans L’UNESCO an novanm 1999. Lé fété dopi 2000 po mèt anlèr bann 7 000 lang néna dan lo mond antyé. Lé in zourné po tyinbo an favèr la divèrsité linguistik é lo miltilinguis. Isi dan nout péi domoun i fé pa tro in kont èk sa akoz sat i gouvèrne anou i vé pa mèt zourné là anlèr, parlpi bann télé-radyo-zournal i fé minm pa in kont avèk, apark in ti pé militan kiltirèl i tyinbo zourné là sinon na pwin gran soz po fé prann konsyans domoun si zot lang matèrnèl. Dan nout péi lé lo kréol rényoné ke nou koz dopi tann ti dan lo vant nout moman lé nout lang matèrnèl.

Lien po zot louké http://www.unesco.org/new/fr/international-mother-language-day/ dosi lo Sit L’UNESCO Po Zourné Intèrnasyonal bann lang matèrnèl osi dosi lo Sit L'ONU http://www.un.org/fr/events/motherlanguageday/

Source photo l unesco journee internationale de la langue maternelle le 21 fevrier 2017

Lantant Ranpar – Radyo Ranpar i swèt t tout sat i tyinbo nout lang in gayar zourné po nout lang matèrnèl kréol rényoné mardi 21 févriyé 2017.

Rédaksyon Radyo Ranpar  

Radyo Ranpar in zoutiy Lantant Ranpar

Radyo Ranpar lé in zoutiy Lasosyasyon Lantant Ranpar dosi lo wèb po fé konèt azot bann zinfo, kiltir, mizik, vidéo, prodiksyon an kréol rényoné Lantant Ranpar – Radyo Ranpar i kont fé bann prodiksyon an kréol parliminm bann prodiksyon i kont fé wa fé konèt azot èk lo tan é difiz osi bann zinfo lavi toulézour an lékri ou lodyo dosi lo paz Fasbouk wa difiz bann klip vidéo ké lé dan lèspri manirwar Lantant Ranpar – Radyo Ranpar

Radyo Ranpar in zoutiy dosi lo wèb po tyinbo nout lang kréol rényoné, nout kiltir, nout lidantité, po fé viv ali partou toultan sra osi fé konèt azot bann kiltir oubliyé dan lo Mond.

Po zot konèt lo rèsponsab é lorganizatèr sit intèrnèt Radyo Ranpar lé Félix CLAIN ansyin animatèr, prézantèr zournal an lang kréol rényoné é rèsponsab radyo Pikan 2ème zénérasyon zanviron lané 1993 ziska 2007 dann somin lavi bin sak soz lavé in fin séposa mi kontinyé fé in travay kiltirèl koméla dosi lo wèb po kontinyé tyinbo nout kiltir èk mon bann sit, blog, paz kiltir larénionlang kréol larényonlistwar larényonlantant ranpar po fé viv nout kalité kréol dan mon militantis kiltirèl mwin lé lib é indépandan pa amaré èk kikséswa po di amwin kosa fo fé lé in somin mwin la swazi po milit dosi lo wèb ala in pé an gro kisa mi lé mi èspèr mwin la éklèr azot in pé po konèt kisa milé alor tout sat i rotrouv azot dan mon manir sobat po nout kiltir lé èk kontantman mi akèy azot si mon bann kanal kiltirèl dosi lo wèb.

Sit Intèrnet Radyo Ranpar

http://radyo-ranpar.e-monsite.com

Page Facebok Radyo Ranpar :  https://www.facebook.com/Radyo-Ranpar-1802040446692748/

Po kontak Radyo Ranpar

Bwatmèl : (Wa nir apré)

Nou kont si zot po fé konèt Radyo Ranpar partaz lo bann Gatir/Lien èk zot konésans. Davans mèrsi.

Lantant Ranpar – Radyo Ranpar

Asosyasyon non sibvansyoné lib é indépandan

Kanal YouTube Lantant Ranpar / Chaîne YouTube Lantant Ranpar po louké

Radyo Ranpar i fé konèt azot Kanal YouTube Lantant Ranpar / Chaîne YouTube Lantant Ranpar . Alor po zot konèt Kanal YouTube Lantant Ranpar / Chaîne YouTube Lantant Ranpar pèz dosi lo lien par andsou é fé konèt dan zot lantouraz é abone azot. Davans mèrsibyin po zot tyinbo ansanm tanto nora dot vidéo wa nir apré…

Kanal YouTube Lantant Ranpar / Chaîne YouTube Lantant Ranpar

https://www.youtube.com/channel/UC0lXJ-iCUYBuyVcFxBmzFng?guided_help_flow=3

Po louké osi dosi Paz Fasbouk Radyo Ranpar

Paz Fasbouk Radyo Ranpar : https://www.facebook.com/Radyo-Ranpar-1802040446692748/

Rédaksyon Radyo Ranpar

Granmoun Ladi épizod 1

Lantant Ranpar - Radyo Ranpar i fé war azot Granmoun Ladi épizod 1 bon loukaz.

 


Po louké osi dosi Radyo Ranpar

Paz Fasbouk Radyo Ranparhttps://www.facebook.com/Radyo-Ranpar-1802040446692748/

Chaine Youtube Lantant Ranpar

https://www.youtube.com/channel/UC0lXJ-iCUYBuyVcFxBmzFng?guided_help_flow=3

Lantant Ranpar - Radyo Ranpar

Granmoun Ladi épizod 2

Lantant Ranpar - Radyo Ranpar i fé war azot Granmoun Ladi épizod 2 bon loukaz.

 


Po louké osi dosi Paz Radyo Ranpar

Paz Fasbouk Radyo Ranpar : https://www.facebook.com/Radyo-Ranpar-1802040446692748/

Chaine Youtube Lantant Ranpar

https://www.youtube.com/channel/UC0lXJ-iCUYBuyVcFxBmzFng?guided_help_flow=3

Lantant Ranpar - Radyo Ranpar

×